Kumin HSLC leh HSSLC Exam-a a ti\hazual Top 10-a lang Mizo zirlaite hnenah Central YMA-in lawmpuina a hlan

0
251
views

Kumin HSLC leh HSSLC Exam-a a ti\hazual Top 10-a lang Mizo zirlaite hnenah Central YMA in lawmpuina a hlan. Hemi puala inkhawm Tuikhuahtlanga Central YMA Hall-a neih hi Central YMA Vice President, Pu R. Lalngheta’n a kaihruai a, Central YMA President, Pu Vanlalruata chuan, Mizo \halai zingah hnathawh tur hre lo leh awm \ha duh lo eng emawzat an awm mek laia zirna kawnga hlawhtling leh chawimawi tlak \hahnem tak an awm chu lawmawm a tih thu a sawi a. Tuna an hlawhtlinna chu duhtawk mai lova, hlawhtlinna sang zawk chang zel tura \anla tur leh an zir chhuah hunah ram leh hnam tana mi \angkai nih tum \heuh turin zirlaite chu a fuih a ni. HSLC leh HSSLC Exam-a a ti\hazual Top 10-a lang Mizo zirlaite hnenah hian chawimawina thuziak leh cheng 1,000 \heuh an pe a. Zirlai ti\hate chawimawinaah hian D-3 Enterprise neitu, Dr. Lalmalsawma leh Pachhunga University College-a zirtirtu, Associate Prof. Pu Lallungmuana’n zirlaite fuihna thu an sawi a ni.