Pu Ashish Kundra a’n Kolasib tlawh

0
238
views

GAD leh Higher & Technical Education Secretary ni bawk, Pu Ashish Kundra a’n vawiin khan Kolasib tlawhin Kolasib DC Conference Hall-ah Department hrang hrang hotute a kawm a, an hnathawh dan a thlirlet pui. He inkhawmah hian Kolasib Bawrhsap, Dr. Arun T chuan a lem nena entirin Kolasib District huam chhunga sorkar inrelbawl dan leh mipuite enkawl dan a sawifiah a, hemi rual hian Deptt. hrang hrangte hnathawh dan leh an hnathawh a\anga mipuiten hmasawnna leh ham\hatna an dawn theih dan tur te a sawi a ni. Serlui B Hydel Project tuikhuah chu zin veivak mite hip nan siam a pawimawh dan te, Kolasib Circuit House bula in hlui tawh tak chu humhalh \hata Heritage building atan siam \ul a tih thu te, Vairengte leh Bairabiah te Circuit House sak \ul a tih thu te a sawi bawk. GAD Secretary hian Kolasib District chhunga coffee huan siamtute, oil palm chingtute leh sangha khawitute enkawl an nih dan anmahni enkawltu Deptt. \heuh a zawtfiah a ni. Higher & Technical Education Secretary ni bawk Pu Ashish Kundra chuan Govt. Kolasib College a tlawh bawk a, College Principal, Dr. C. Lalmuankima chuan an College dinhmun a hrilhfiah a, Associate Prof. Pu Thangchhuana Sailo pawhin an College tihchangtlunna leh thuam \hatna tura RUSA hnuaia hmalak dan a sawifiah a ni. Pu Kundra chuan zirlaite fuihin College-a zirna an zawh hnuah zirna sang zawk chhunzawm tum turin a chah a, graduate an nih hnuah an kawngzawh tur hriatfiah a pawimawh thu a sawi bawk. Hemi hnu hian RUSA State Project Director ni bawk, Pu Ashish Kundra chuan College compound-a Labouratory leh Class room building sak thar a hawng a, College compound chhungah thing a phun bawk. GAD Secretary zin hian Serlui B Hydel Project tuikhuah a tlawh a, naktukah Vairengte tlawhin SDO Civil office hnuaia hnathawh te a enfiah dawn a ni.