Zoram Peoples’ Movement-in Sorkarna an siam chuan Mizorama loneitute tharchhuah sawhthing Kg. khat cheng 50 aia tlawm lova lei turin budget-ah sum an dah hrang dawn tih an sawi

0
321
views

|angrual Pawl, Zoram Peoples’ Movement-in Sorkarna an siam chuan Mizorama loneitute tharchhuah sawhthing Kg. khat cheng 50 aia tlawm lova lei turin budget-ah sum an dah hrang dawn tih an sawi.

Vawiina Aizawl Press Club-a thuthar lakhawmtute an kawmnaah ZPM puipate zing ami, Commerce lama mithiam, Dr. Vanlalthlana chuan, Mizoram loneitute sawhthing tharchhuah chu kum khatah metric tonne nuai 1 pawh nise, Kg khat Rs. 50-a lei anih chuan cheng vaibelchhe 500 vel mamawh a ni a, Sorkarin Rs. 40 pawhin hralh chhuak leh se, Kg khat zela subsidy sorkarin a pek chu Rs. 5/- a ni dawn a, subsidy atana sum mamawh chu cheng vbch 50 vel chu Mizoram Budget cheng vbch 9,200 vel a\anga chhut chuan thil tih theih a ni a, NLUP leh NEDP atan sum dah zatve pawh a tling lo a ni a ti a. Heimi piah lamah Mizoram Budget su-hek kher lova, Financial Institution dang a\anga Loan la pawhin thil tih theih a ni a ti. Dr. Vanlalthlana chuan, sawhthing Kg. khat cheng 50 a lei an tum chu State pawn leh ram dang-a a hralh chhawnna nena tehkhin chuan a to lo hle tih a sawi a, man man zawka hralh a nih theih nan sawngbawl leh a nih tur thu leh hlep nei thei tur thlenga \an lak an tum thu a sawi.

Zawhna chhangin ZPM hruaitute chuan, sawhthing an lei tur chu hlep neia hralh chhawng tur an nih dawn loh avangin a hralh chhawnnaah harsatna a awm dawn lo niin an sawi. ZPM hruaitute sawi danin khawvelah India chu sawhthing thar chhuak tam ber a ni a, India-a sawhthing thar tam zingah Mizoram pawh a tel ve a. Kum 2014-15 chhung khan Mizoramin sawhthing metric tonne 31,200 a thar a, kum 2015-16 ah metric tonne 30,790 tharin kum 2016-17 ah metric tonne 62,743 a thar a ni. Mizoramin sawhthing a tharte chu Karimganj, Bagha, Silchar, Kolakta, New Delhi, Mumbai, Amritsar leh Bangladesh-ah thawn chhuah a ni deuh ber tih ZPM hotute chuan an sawi.

ZPM-in thuthar lakhawmtute an kawmna kaihruaitu an pawl Secretary General, Pu K. Sapdanga chuan, sawhthing Kg. khat cheng 50 aia tlawm lova an lei tur thu an puan chu Social Media leh hmun dangah sawi neuh neuh a tam avangin a sawifiahna neih \ha an tih thu leh hetianga hmala ta hi an nih thu a sawi a ni.