Pu Hmingchungnunga leh a nupui Pi Roziki te thattu zawng zui mek

0
439
views

Mamit District-a Kawrthah rama an kuhva huan thlama tun thla ni 14, Inrinni kal taa an ruang chhar, Aizawla Ramhlun South Veng mi, Pu Hmingchungnunga leh a nupui, Pi Roziki te thattu chu zawn zui zel a ni a, Kawrthah Police Station a\anga thu dawn danin he inthahna thleng kaihhnawihah hian rinhlelh man emaw, thu zawhfiah atana lak emaw an la awm lova, heng mi pahnih thattu man tur hian an hnu chhui kawnga thil pawimawhte an dap zui zel a ni. Puan tawh angin Ramhlun South Veng mi, Pu Hmingchungnunga, kum 62 leh a nupui, Pi Roziki, kum 55 mi chu Kawrthah khua a\anga chhim lam km 2 vela an kuhva huan thlamah Inrinni khan thia chhar an ni a, an nghawng, lu leh kutah hliam na tak an tuar a, nimin, Pathianni zing dar 5 vel khan an chenna in thlenpui a ni a, nimin chawhnu khan vui an ni. Ramhlun South Branch YMA chuan thuchhuah siamin, an veng mi, Pu Hmingchungnunga te nupa, Kawrthah YMA leh khawtlang hruaituten an buaipui danah lawmthu an sawi a, tualthattu zawng chhuaka a phu tawka hrem ngei turin thuneitute an ngen bawk. Kawrthah YMA hruaitute chuan he inthahna chungchangah hian mipui ti chiai thei thu belhchian dawl lo theh darh lo turin mipuite an ngen a ni.