Ration dawra buhfai sem a chhiat vangin mipuiin harsatna tawk

0
689
views

Tun hnaia veng hrang hranga Ration dawr a\anga buhfai sem chu a chhiat avangin mipuiten harsatna an tawk nia thu dawn a ni a. ZONET thu dawn danin, Retailer-te buhfai sem chhuah hi a vai leh a hum a tam hle a, a uk deuh khuk bawk a, buhfai hlui a ang hle a ni. Ration buhfai a chhiat avang hian chhungkaw tam tak chuan retailer hnen a\anga buhfai la lovin dawrah man to zawkin an lei phah nual nia hriat a ni a, a to-a leina tur nei lo, ration buhfai late pawhin ei a harsa hle niin an sawi a ni. Retailer \henkhat chuan buhfai a chhiat avang hian ration la duh lo an awm nual tih ZONET an hrilh a, tun hnaia buhfai an semah \um danga an hralh chhuah zat an hralh loh avangin buhfai chuang an kawl nual niin an sawi.

ZONET zawhna chhangin Supply Dept. hotute chuan, tun hnaia buhfai chhia nia sawi chu Satha ip, supplier a\anga an dawn hmasak a nih an rin thu an sawi a, Department lam pawhin a en fiah thu te, tun hnaiah pawh kudama dah luh tur, Truck phur 21 chu an hnawl thute an sawi a, satha ip-a thun hi engemaw zat a la awm avangin a ei tlak chin chu Retailer hnenah p>k chhuah a nih thu an sawi. Supply Department hotute chuan, tun hmaa FCI a\anga an lak \hin aiin tuna MIZOFED-in buhfai a supply chu a \ha zawk niin an sawi a, tun hnaiah inremna pawh ziah \hat leh tawh a nih thu leh, an supply-na rate pawh quintal khat Rs 2,500 a\angin Rs 2,750 ah tihsan a nih thu an sawi a, Buhfai pawh Satha ip ni lo, saiip-a thun vek tura tih a nih thu leh Retailer te pawhin buhfai \ha an sem tawh an beisei thu an sawi. Supply hotute chuan, buhfai \ha lo chungchangah hian ziak kher ni lova sawiselna thu an hriat pawhin an bawhzui zel niin an sawi.