Pu Lal Thanhawla’n Congress sorkar chu Electoral Roll atanga Chakma 5,000 chuang paih ngam leh a awm chhun niin a sawi

0
564
views

CM, Pu Lal Thanhawla’n Congress sorkar chu Electoral Roll a\anga Chakma 5,000 chuang paih ngam leh a awm chhun niin vawiina Mualpuia R. Dengthuama Hall,-a Aizawl District Congress Committee huaihawt, Congress City Wokers’ Meet-ah a sawi a, Chakma Foreigner leh a ruka lutte dodalna kawngah Congress sorkarin a ti\ha ber nia sawiin, inthlan a hnaih avangin Chakma chungchang sawitu an pung a, Chakma huat inzirtirin vote an khawn a ni, a ti bawk. Chakma foreigner hi tumahin duh lo mah se, Mizo-te awm \hat peih lohna, ram lum luahin an awm ta zel a. Congress sorkar chauhin Chakma foreigner a nawr let ngam a. MNF party, India sorkar laka silai tunga inhlan tawh hian Chakma engzatnge Electoral Roll atanga an paih tawh tih hi Zoram mipuiin an hriat \ul a tih thu a sawi bawk. Pu Lal Thanhawla chuan MNF-in BJP an zawm ngei nia sawiin, MNF hian BJP an thawhpui ngei a, a, hmarchhak bial a\anga regional party hrang hrang an tel vena, NEDA-ah an tel avangin BJP an thawhpui a, Pu Zoramthanga pawh tun hnaia New Delhi-a NEDA intawh khawmnaah pawh a tel ve tih a sawi bawk.

Pu Lal Thanhawla chuan tun hnaiah thiam bera inngaite an kal khawm nia sawiin, an bul \anna a fuh lo niin a sawi a, niminah pawh khan thudik chanvea bul \ana thusawi an tam hle a, \henkhat phei chu an thinrim ta emaw tih tur pawh an awm niin a sawi a. Politics chu pehhela luh chilh chi a ni lo a, huaisen, dik taka leh taknain a chhawmdawl a ni tur a ni, a ti bawk. Mite duhthawh em emtu, mahni fing bera inngaite hi khawvelah mi hlauhawm ber an ni a. Chung lam lung kan tiawi em, hman zel tlak kan ni em tihte kan inen let reng a ngai, a ti bawk. He intawh khawmnaah hian Horticulture Minister, Pu PC Lalthanliana pawhin thu a sawi a, resolution pass-in, Pu Lal Thanhawla kaihhruaina chu thlamuan thlak an tih thu leh, a thawhpui, Minister leh MLA ten Zoram hmasawnna hna lungrual tak leh chak takin an thawk niin an sawi. ADCC City Wokers’ Meet hi ADCC Vice President Pu Vanlalzuiliana’n a kaihruai a ni.