Lunglei District Development Coordination and Monitoring Committee thut khawmnaah Pu CL Ruala’n fuihna thuchah sawi

0
406
views

Lunglei District Development Coordination and Monitoring Committee (DISHA) chu vawiin khan DC Conference Hall-ah Chairman, Lok Sabha Member, Pu C.L. Ruala leh Co-Chairman, Rajya Sabha Member, Pu Ronald Sapa Tlau ho-in an \hu khawm a, Lunglei West Bialtu MLA, Pu Chalrosanga Ralte bakah Dist. Bawrhsap, Pi Lalzarmawii, CSS hmanga hnathawktu Department hrang hrang hotute, VC, YMA leh MHIP aiawhte an tel a ni. Chairman chuan CSS sum hmanga hnathawktu sorkar Deptt. hrang hrangte chu \hahnemngai taka hnathawk turin a fuih a, khawpui fai inelnaa Lunglei khawpui pahnihna a ni chu a lawmpui thu a sawi bawk. Co-Chairman, Pu Ronald Sapa Tlau pawhin sorkar Deptt. hrang hrang hotute chu sorkar hna an thawh chhunga sulhnu \ha leh chhuanawm tak hnutchhiah tum turin a fuih a ni. He \hut khawmna-ah hian ni za inhlawhna, MGNERGS hnuaiah kumin sorkar kum chhung hian Lunglei District-a job card nei, mi 35,517 te tan ni 39 inhlawhna siam a nih tawh thu te, Individual House Hold Latrine hnuaiah ek in sak tur 950 zinga 690 sak zawh tawh a nih thu te, PMAYG hnuaiah in 333 sak tum a nih thu te, nausen kum khat hnuai lam thi titlem tura \an lak dante tarlan a ni.