MADC Executive Member, Pu MH Tiabi-a’n Niti Ayog-in Mizorama Autonomous District Council 3-te hmasawnna hnathawhna tur, One Time Grant, Rs. 8,31,00,000/- a pe niin a sawi. ZONET zawhna chhangin Pu Tiabi chuan he sum hi tun hnaia New Delhi-a kala Niti Ayog an dawrnaah an lo pe niin a sawi a, he sum zingah hian Rs. 2,83,00,000/- vel chu Mara Autonomous District Council chan tur a ni a, a bak chu Lai leh Chakma Autonomous District Council-in an insem dawn niin a sawi a ni. Pu Tiabi chuan 6th Schedule siam \hat rawtna chungchangah Union Home Minister, Pu Rajnath Singh an hmuh thu te, Home Minister chuan Home Secretary ko nghalin, he thil hi Mizoram CM sawipui a \ul thu a hrilh niin a sawi a, Tribal List-a Lakher tih la awm chu Mara tia thlak an duh thu a hrilh bawk. Sorkar laipuia mi pawimawhte an hmuhnaah hian Kaladan Hydel Project chak zawka bawhzui dan tur te, Lobo leh Tlyh ram inkara lei dawh dan tur te, Phura leh Chapi kawng siam hna BRTF ten chak zawka an thawh dan turte an thlen bawk niin a sawi a ni.
