Aizawl North I bialtu MLA Pu Vanlalhlana zawhna chhangin Pu Rama chuan, tender pangngaia hnathawktu tur thlan chu buaithlak chang a awm tih a sawi a, PMGSY hna chhangtu zingah zaa 27 laia hniam zawka chhangte an awm \hin a, a chhang hniam ber pek a ngaih \hin avangin hnathawhin a tawrh phah fo a, contractor \henkhat chuan a taka an thawh theih loh avanga zuihral ta te pawh a awm a ni a ti a, hei vang hian hnathawh turin a mamawh dan a zir leh a hmanhmawh thlak dan azirin restricted tender hmanga thawiktu tur thlan chu a \ul \hin a ni a ti. Restricted tender hi deptt. in mumal takin a \ul chhan te chiang taka ziakin sorkar kalphung zawma kalpui \hin a ni a ti. Pu Rama chuan, kum 2017-2018 chhungin Mizoram a kawng siam nan state fund a\angin Rs nuai 61,395.24 leh Central Fund a\angin cheng nuai 26067.86 hman a nih thu a sawi a, kum 2018-2019 chhungin state fund atangin cheng nuai 60449.75 leh Central Fund atangin nuai 15703.47 hman a ni a ti. Sorkar kum kal mekah kawng siam nan cheng nuai 42684.48 hman a ni tawh tih a sawi a, state fund atangin cheng nuai 26595.80 leh Central fund atngin nuai 16088.68 hman a ni tawh tih a sawi.
