PWD-in Vanapa Hall chei tha mek, cheng nuai 178 vel seng

0
316
views

 

Aizawla Vanapa Hall chu tunlai hian PWD-in an chei \ha mek a, Art and Culture Department hotute sawi danin, Hall hi NEDP sum, cheng nuai 178 sengin kumin July thla laihawl vel a\ang khan chei \hat \an a ni. A chhung leh pawn tihdanglam vek a nih avangin Hall hi hman theih a ni rih lo a, a chhunga \hutna, a chung khuh, hulhliap leh a hnuaia lama Art and Culture Department Pisa zawng zawng chei \hat vek a ni dawn a, tun hmaa a luhna bula inthiarna awmna hmunah rual ban lo inthiarna chauh dah a ni tawh dawn a, a hnuaia Art and Culture Department Pisa-ah inthiarna hi dah a ni tawh ang a, Department Pisa chu tun hma Choka awmna, MNF Hnam Run hnaih lamah sawn a ni thung dawn a ni. Vanapa Hall hi cheng vaibelchhe 1 sengin kum 1979 a\ang khan sak a ni a, kum 1983-ah hawn a ni a, a hma chuan Aizawl Theater Hall tih a ni \hin a, kum 1980 February ni 29-a Mizoram Legislative Assembly \hutkhawm chuan Vanapa Hall tiin a hming a thlak a ni. A enkawltu Art and Culture Department hotute chuan, Vanapa Hall hi a kum tèlin hmangtu mipui an pung chho zel niin an sawi a, kum 2015-16 chhung khan a hman man a\angin cheng 4,20,890 hmuh a ni.