Hemi puala inkhawm Chaltlanga State Guest House, Cultural Hall-a neihah hian Pu Tawnluia chuan, mipuiin Sorkar an dawrna kawngah inkal pawhna leh inbiakpawhna lam avangin mipuiin harsatna hrang hrang an tawk fo \hin a, hun leh tha tam tak an sen thlawn chang a awm \hin tih sawiin, National Generic Document Registration System hi a taka hman a nih hunah chuan mipuuten mahni inlum a\anga an lehkha pawimamawh an tifel theih dawn ta chu thil lawmawm tak a ni, a ti a. Hei hian sorkar langtlang leh \ha siam kawngah pawh nasa takin a puih ngei a beisei thu a sawi.
Land Revenue & Settlement Minister, Pu Lalruatkima pawhin, In hmun leh ramri chungchang buaina hrang hrang awm \hin chu NGDRS hmanga chinfel theih a beisei thu a sawi a, lehkha pawimawh vawn \hat a nih piah lamah Land record felfai tak awm phah a beisei thu leh MNF sorkar Fagship Programme, SEDP hmanga an hmalakna turah pawh NGDRS hi hmanraw \angkai tak a ni dawn a ni, a ti.
NGDRS hi Aizawl District-ah kalpui tan tur niin, hemi hmang hian ram lei leh hralh, inpek, Bank-a dahkham leh document registration ti turte chu Settlement Officer hnena kal hmasak ngai lovin, mahni in a\angin online-in an lehkha pawimawhte an thehluh hmasa thei dawn a, hetiang tih duhte chu http://igrmizoram.nic.in-ah lutin, citizen login a\angin an document registration tih turte an dahlut theih dawn a, an tihfel hnuah Settlement Officer hnena inlan hun tur ni leh darkar chu an mahnin duh an thlang ang a, hei hi a taka tihfel a nih dawnah a neitu thar leh hralhtute, LSC dahkhamtute leh lahkhaw pawimawh dang dahlut duhtute chu an mahni an inlan ngei a ngai tawh thung a, hetah hian an fingerprint leh thlalak tihfel a ni dawn a ni.
Sorkar laipuia Land Resources Secretary, Pu Ruolkhumlien Buhril sawi danin, Mizoram hi ram pumah NGDRS hmang hmasa State 6 na a ni a, hmarchhak bial bikah chuan 2-na a nih thung a ni.
