Rampuma a hmasa ber leh awmchhun ‘Centre for Disability Studies’ Mizoram University Campus Tanhrila hmuna sak zawh thar chu Chief Minister Pu Lal Thanhawla’n vawiin khan a hawng

0
278
views

Rampuma a hmasa ber leh awmchhun ‘Centre for Disability Studies’ Mizoram University Campus Tanhrila hmuna sak zawh thar chu Chief Minister Pu Lal Thanhawla’n vawiin khan a hawng

Hawnna inkhawmah hian Union Minister of State, Social Justice & Empowerment Pu Krishanpal Gurjar pawh a tel a,. Chief Minister Pu Lal Thanhawla chuan National Institute for Locomotor Disabilities (Divyangjan), Kolkata leh Department of Social Work, MZU te thahnemngaihna avanga rampuma rualbanlote harsatna hrang hrang zirchianna hmun tur ‘Centre for Disablitiy Studies’ hmasa ber Mizoram University a hawn a ni chu hmasawnna lawmawm tak a ni a ti. Sorkar laipuiin rualbanlote tan ‘common identification card’ siam sak a tum thu sawiin Chief Minsiter chuan hei hian an zirna lamah te, hriselna enkawlna lamah te leh ram inrelbawlnaa an inhmanna kawngah te a \angkai hle dawn a ni a ti.

Union Minister of State, Social Justice & Empowerment Pu Krishanpal Gurjar pawhin thu sawiin sorkar laipui aiawhin Mizoram University hnuaiah Disability Studies Centre thar hawn tak chu duhsakna a hlan a. Pianphunga rualbanloten harsatna an tawh thin hrang hrang chu zirchian zel a nih theih nan leh an harsatnate sutkian sak turin Centre thar chuan hlawk takin hna a thawh a beisei thu a sawi.

Vawiina Centre for Disability Studies hawnna inkhawmah hian Ministry of Social Justice & Empowerment-a Joint Secretary Pi Dolly Chakravarty leh MZU Vice Chancellor Prof. Simbasiva Rao te pawhin thu an sawi a. He Centre sakna tur sum mamawh hi Ministry of Social Justice & Empowerement hnuaia Department of Persons with Disabilities-in a tum a ni.