Rashtriya Uchchatar Shiksha Abhiyan hnuaia State Higher Education Plan Consultative Meeting chu Aizawl West College-ah vawiin khan an \hukhawm. A hmanpuitu Higher & Technical Education Minister Pu R Romawia chuan, zirna sang zawng tih changtlun nan RUSA hnuaiah zirtirtu engemaw zat lak ni mahse sum harsatna avangin duhthusama hmasawn chak a har thu leh Sorkarin Education Deptt. tan zaa 2 chauh Budget dah mahse hmasawnna tam tak hmuh tur a awm tih a sawi. Pu R Romawia chuan, tundinhmunah RUSA chu College hmasawnna thlentu a nih thu a sawi a, zirlai pung chho zelah Quality Education neih a \ul tih a sawi bawk. Sorkar thuchhuah in a tarlan danin RUSA hi Sorkar laipuiin kum 2020 March ni 31 thleng a pawtsei a, Sorkar laipui atanga Mizoramin cheng Vbc. 87.6 a dawn atangin cheng Vbc 84.65 a hmang tawh a, Sorkar College 21 hnenah college sak \hat na tur cheng nuai 20 \heuh a pe tawh bawk. RUSA hnuaiah hian Language Laboratory Remedial Classes, Career guidance leh Counseling, Gender Sensitization Campaign, Person with Disability Sensitization, Personality Development Program, Plans for Innovative Program te kalpui a ni. RUSA-in a tum chu zirlai chak lo leh hnufual te dawm kang leh chhawmdawl a ni.
