Mizoram DGP, Pu Balaji Srivastava’n vawiin khan Falkawna State Referral Hospital, Aizawl Civil Hospital leh Zemabawka Mizoram State Cancer Institute tlawhin damlo harsa zualte tan, Poor fund-ah pawisa a pe

0
486
views

Mizoram DGP, Pu Balaji Srivastava’n vawiin khan Falkawna State Referral Hospital, Aizawl Civil Hospital leh Zemabawka Mizoram State Cancer Institute tlawhin damlo harsa zualte tan, Poor fund-ah pawisa a pe a. Police-te chu mipuite \hian, miharsate leh \anpui ngaite puitu leh venghimtu a nih angin damlo harsa zawkte \anpui chu an tih tur a nih avangin he \anpuina hi sem an ni tih a sawi. Vawiina DGP-in damdawi in hrang hrang a fankualnaah hian damdawi in hotuten lo dawngsawngin, an dinhmun tlangpui an lo hrilhfiah a. An thil mamawh tak, an beisei ngam si loh \anpuina tangkafai Mizoram Police-in an hlan chu an lawm hle tih sawiin, an pawisa dawn chu a mamawhtute tan daihzai taka hman a nih tur thu an lo hrilh a ni. DGP, Pu Balaji Srivastava-a’n \anpuina a pekte chu Falkawna State Referral Hospital-ah Cheng 30,000, Aizawl Civil Hospital leh Zemabawka Mizoram State Cancer Institute-ah cheng 35,000 ve ve a ni a. DGP hi Mizoram Police-a AIG I, Pu Lallianmawia leh AIG II, Pu Lalhuliana Fanai-in an \awiawm a ni.