Republic Veng Joint Action Committee-in kum 2015 January ni 9-a an veng mi Pu Sangliansiama te chhungkuaa mi panga rawng taka that an ni kha an hriatreng thu leh he thil thleng hi an dem zia lantir nan naktuka he chhiat tawhna champha lo thleng turah an veng mipuite chu intihhlimna lam buatsaih lo turin a ngen.

Republic Veng Joint Action Committee
hian Pu Sangliansiama te chhungkuaa chunga rawng taka kut thlatua puh Laltlanchhuaha chungthua thuchhuah an lo siam tawhah an ding nghet tlat tih sawiin, Laltlanchhuaha hi a n^ thei ang bera a chungthu rel fel thuai turin roreltute an phût tlat a ni, an ti.

He pawikhawihna champha naktuka le thleng turah kha chhiatna kha an hre reng tih lantir nan Republic Veng Joint Action Committee chuan Republic Veng chhungah mipuite intihhlimna buatsaih lo turin an ngenna a, Republic Veng Playground leh Republic Veng Basketball Court-ah te inkhel lo turin mipuite an hriattir a, Republic Veng Community Hall-a Badminton khelhna leh Gym te pawh khar a ni dawn tih an sawi.