Vawiin Assembly \hutkhawma ZPM member, Pu C. Lalsawivunga zawhna leh zawhbelhna dangte a chhannaah Pu Lalruatkima chuan, Assam Riffle ram chhunga mimal LSC nei zinga a tam zawk chuan sorkar-ah chhiah pawh an pe lova tih sawiin, Mizoram sorkar Councils of Minister-in AR rama mimal ram nei zawng zawng cancel tura ruahmanna alo siam tawh angin Department-in theihtawp chhuahin a bawhzui a. Assam Riffle insawn chhuah tur chungchangah hian Union Home Affairs Ministry chuan kumin Februay ni 19 khan thuchhuahin, Assam Riffle-te chu Zokhawsanga insawnchhuak turin a ti a. An insawnna tura hmunhma buatsaihtu Contractor-te an la inpeih loh avangin tun dinhmunah la insawn chhuak thei chiah lo mah se, an insawn ngei a ngai dawn tih a sawi.
