MBSE siam kum 2020 Board Exam a\anga hman \an tur Scheme of Examinations and Question design tih leh Integrated Evaluation Scheme (IES) software thar leh software hman dante zirtirtu rual kalkhawmte hi zirtir an a ni. MBSE in board exam a buatsaih \hinah kum telin result a \ha zel mahse Mizo zirlaite India ram chhung hmun dangte leh ram pawna zirlai dangte nena an inelnaah a ti \ha lo leh a hniam zawkah an \ang fo thung a, naupangte exam zawhna siam dan chu zirna ti hmasawn tura thil pawimawh pakhat a nih avangin MBSE hian 2020 HSLC leh HSSLC exam a\anga hman turin exam dan kalphung leh zawhna zawh dan kalphung thar a duang a ni. He kalphung thar hian zirlaite chu an ngaihtuahna hman thiam kawngah leh an hmalam hun atan kawng hrang hrangin a pui beisei a ni tih MBSE-a mithiamte chuan an sawi.
