Resolution an pass-ah sorkar hmasain hun rei tak zirna a ngaihthah avangin zirtirtu indaihlohna nasa tak a thleng mek niin an sawi a, hemi phuhru tura sorkar hmalakna chu lawmawm an tih thu leh sorkar hmalakna chu \ha tawk an tih thu an sawi a, zirna ngaisaktu dik tak sorkar Zoram mipuiin an nei ta nia sawiin, lawmawm an tih thu an sawi. Hei bakah hian Chief Minister Pu Zoramthanga leh a kaihhruai sorkar-a Minister te, MLA te leh Board Chairman-te hmalak tawhna enin rintlak an tih thu leh chhuanawm an tih thu an sawi a, tunhnaia Lai Autonomous District Council leh Chakma Autonomous District-a MDC bye election-a MNF-in hnehna a chang chu Pu Zoramthanga kaihhruai sorkar mipuiten an rintawk zia tilangtu a ni an ti a, Sorkar hmasain sum harsat vanga a tihtawp chini sem leh tur chu lawmawm an tih thu leh hei hian miretheite dinhmun hrethiam sorkar Mizoramin a nei tih a lantir nia an ngaih thu te an resolution pass ah hian an tarlang bawk.
