Rotary Club of Aizawl-in thuthar thehdarhtute Covid 19 hri leng laka an him theih nan hmai tuamna, kut silfaina leh tangkafai tanpuina MJA hnenah an pe.

0
12
views

Aizawl Press Club-a inkhawm tawi neiah heng bungrua-te hi Rotary Club of Aizawl President, Pu Mamon Majumdar-in MJA President, Pu Zonunsanga Khiangte hnenah a hlan a. He inkhawm kaihruaitu Rotary Club of Aizawl President kalchhuak, Pu N. Ranjit Singh chuan, MJA hnena kut tih faina, Hand Sanitizer an pek hi a bika Delhi-a an siamtir a ni tih a sawi. MJA President, Pu Zonunsanga Khiangte chuan, Rotary Club of Aizawl-in Mizoram mipuite tana rawng an lo bawl tawhna chu fakawm a tih thu a sawi.

Rotary Club of Aizawl hian, Aizawl PS-ah hmai tuamna, kut tihfaina leh tangkafai an hlan bawk a, Vairengte Task Force, SDPO leh Vairengte PS-ah hmai tuamna leh sahbawn thahnem tak an lo pe tawh a, tunah hian Assam Rifles, CRPF leh BSF duty-te hman tur hmai tuamna an thui sak mek bawk.