Mizoram Sorkar Flagship Programme pui ber tur nia sawi Rua/Mau hmanga intodelh tura Sorkar hmalak tawhna leh hmachhawp hrang hrang Zonet-in RTI hmanga a zawhna Horticulture Department-in a chhan danin, hmun dang a\anga Rua/Mau chi \ha Supply tu tur thlan a la ni lova, RTI chhanna pek chhuah ni, nimin thlengin Mizoramah a chi thleng a la awm lo a ni.
Rua/Mau chi supply tur hian tumah thlan an la nih loh avangin Rua/Mau supply turin pawl emaw mimal emaw tumah inremna siampui an la awm lova, a chi hi eng tianga supply tur nge tih sawi ala awm loh bakah a chi lo thleng phun sawn theih tura sawngbawl, Hardening tih tawh pawh ala awm loh avangin a chi sem chhuah dan tur ruahmanna siam ala ni lo.
Hardening tihna atan hian Horticulture Department-in Centre of Excellence a neih leh Horticulture Centre-te hman theih a ni dawn thung a, hetihrual hian Hardening tihna hmun tur hi thlan fel ala ni lo thung.
Rua/Mau chi lo thlen huna a ching turte hnena sem chhuah dan tur leh lo neitu a duh apiangin an ching thei dawn em tih pawh ruahmanna siam ala ni lo a ni.
Horticulture changtu, Chief Minister, Pu Zoramthanga chuan Assembly Budget Session hnuhnung berah Rua/Mau chi chu lo thleng mai tur a nih thu a sawi a, tun thla ni 15-a Horticulture Department-in hnathawk \ha lawmman an dawn lawmna a hmanpuinaah Raw chi engemawzat chu Mizoram a lo thlen tawh thu leh sang 3 vel chu Hardening ti tura a \iak phun a nih thu a lo sawi tawh a ni.
Horticulture Department RTI zawhna a chhan danin, Rua/Mau hmanga intodelh tura hmalakna turah Mizorama Rua leh Mau awm sa te bakah State pawn a\angin Raw chi \ha lakluh tum a ni a, a chin dan phungah te, tharchhuah kawngah te, a sawngbawlna kawngah leh Market thlenga mumal taka kalpui a nih theih nan bawhbik ram neiin, Cluster Mode a kalpui tum a ni. Bamboo Project hi mumal taka kalpui a nih theih nan Mizoram Sorkar-in Bamboo Development Board a din tawh a, hei bakah hian bungraw \ul leh Rua/Mau tharchhuah te awlsam zawka phurh chhuah a nih theih nan a theih chin chinah Bamboo Link Road lai turin PWD hnuaiah Bamboo Link Road Committee pawh din a ni tawh a. Bamboo Project atan hian State Sorkar ruahmanna piah lamah Centrally Sponsored Scheme hnuaia National Bamboo Mission a\angin mumal taka hmalak tum a ni.
