Ruah sur nasa vangin lei minin kawng hnawh ping

0
792
views

Nizana ruah nasa taka sur avang khan Zoram hmun hrang hrangah lei minin kawng a hnawh ping a, amaherawhchu nasa tak a nih loh hlauh avangin PWD miten vawiin chhun khan lirthei kal theihin an siam tlang leh deuh vek tawh a ni. Lei minin kawng a hnawhpin tam zualna chu Aizawl-Lengpui kawng, Muallungthu-Khumtung kawng leh Lengpui-Mamit kawngte a ni a, heng kawngte hi a tlang leh vek tawh nia thu dawn a ni.

Bawngkawn thlanmual, J. Thankima College thlanga mi pawh nasa takin a min a, an veng Branch YMA hruaitute hnen atanga thu dawn danin thlanmual min hian thlan 20 leh 30 inkar vel a min pui a ni. Bawngkawn Local Council leh Branch YMA chuan vawiin khan hnatlang ko-in, an thlanmual mina kuang chhuak leh thlan lung tlate an la khawm a, kuang tam zawk chu lei minin a chhilh avangin hai lovin silpauline-in an khuh a, ruahtui tlak zawh hunah lei vung hnuaia kuang awmte chu zawn zui atan dah rih a ni.