He thu hi vawiina Govt. Khawzawl College a pianphung a rualbanlote dikna chanvo leh hamthatna an neih te zirhona buatsaihah PWD Commissoner Dr. Lalnunthara’n a sawi a, RPwD Act, 2016 hman anih hnuah rualbanlo chi hrang hrang hrang 7 ni \hin chu 21-ah tihpun a ni a, kum 2011 Census a tarlan anih danin Mizoram-ah rualbanlo mi 15,160 awmin an zingah hian mipa 8,198 leh hmeichhia 6,962 an awm tih a sawi.
Dr Lalnunthara hian RPwD Act, 2016 hnuaiah, Sawrkar Department hnuaia rualbanlo hnathawkten an harsatna leh lungawi lohna an thlenna tur Grievance Redressal Officers ruat an nih tawh thu te, rualbanloten Sawrkar hna an hmuh ve theihna turin Reservation buatsaih anih thu leh hemi chungchangah hian ISTM, New Delhi mithiam ten nikum khan Mizoram Sawrkar hnathawkte Training an lo pek tawh thu te a sawi a. Heng bakah hian rualbanlote tan zirna in sang zawkah te, lo ram \hehna leh in hmun \heh chungchangah te, Development Programme hrang hrang leh retheihna umbona, Poverty Alleviation kawngahte hamthatna siamsak a nih thu te a sawi lang bawk.
Khawzawl College-a Asst Prof Peter H. Lalremruata kaihhruai zir honaah hian Principal Pu Lalrintluanga pawhin thu a sawi a ni.
