Sairang-ah truck hal

0
362
views

Nizan dar 9 leh dar 10 inkar khan vai truck pakhat, kuhva ro phur, Aizawl a\anga Silchar lam pan chu tu tih hriat lohten Sairang piaha GOP bulah an hal chhe vek. Police hotute hnen a\anga thu dawn danin, he truck hal thu hi hriat a nih veleh a hmun panin Police tirh nghal a ni a, Aizawl a\ang pawhin motor kang \helh tur hian kang \helh motor tirh a nih bakah, Additional SP, Pu Duhthlanga leh Aizawl North SDPO bakah, Police dang pawh tirh an ni a, Sairang Police OC pawhin he motor hal chungchangah hian Sairang Police Station-ah thubuai a ziak lut tawh a, a titute hi zawn mek an ni. He motor khalhtu leh handyman te pawh motor haltute hian kut an thlak nia sawi ani a, amaherawhchu, na thamin kut an thlak lova, damdawi ina dah ngaiin an awm lo a ni. Mizoram Truck Owners Association chuan Truck Drivers Association nen \angruala motor bungraw phur an dan laia hetiang thil thleng hi pawi an tih thu an sawi a, an pawl General Secretary, Pu Dina Tlau chuan hei hi an thil tih a nih loh thu sawiin, a titu dik tak zawng chhuak turin Police-te a ngen a, he thil hi misual thil tih emaw, politics thil emaw, sumdawnna lama inerna thilte pawh a ni thei niin a sawi a ni…….

He truck hian Rangvamuala duty te duty-na hmun a pal tlang hnuah Sairangah LPK Truck ding a hrut thla bawrh bawrh nia sawi pawh a awm a, thil awm dan hre chiang tur leh, a titu man chhuak turin Police-ten an bawhzui zel a ni.