Keifang dawrkawnah Khualzin leh Bungraw phur Motor chawlh phal loh nise, Saitual District huam chhunga dawr eng pawh tlai dar 5:00 ah chuan khar vek nise an ti a, Buaina denchhena nitin eichawp leh buhfai a man pangngai aia to emaw, buk tling lo emawa hralh an awm chuan dan anga hrem nise an ti a, Puipunna lam chi mitthi leh inneihna ang chiah mipui pungkhawm lo zawnga ruahmanna siam \hin nise an ti a a \ul tawpah lo chuan inlen pawh lova Phone leh SMS hman uar nise an ti a ni.
Bawrhsap chuan tun dinhmunah Saitual District huam chhungah tuialhthei leh buhfai a tam tawk a, mipui tan thlaphanna tur a awm lo tih a sawi a, Saitual SP Pu PC Lalduhthlanga chuan sorkar thupek angin Mizoram leh Myanmar inrina te chu dan pin vek a nih thu leh Police ten an ven thu a sawi.
Saitual bawrhsap hian District huam chhungah mi 10 aia tam awm khawm khapna thupek a lo ti chhuak tawh a, hei hian Pathian Biak inkhawm erawh a huam lo a ni.
