Saitual District Implementing Demand Committee chuan Saitual District siam thuai tura sorkar nawr nan Bandh huaihawt

0
524
views

Saitual District Implementing Demand Committee chuan Saitual District siam thuai tura sorkar nawr nan tukin dar 5 a\anga vawiin tlai dar 4 thleng khan an District Demand Area huamchhungah total bandh an huaihawt. Bandh neih chhung hian Saitual khawpui huam chhungah sorkar Pisa, Zirna In, dawr zawng zawng leh sumdawnna hmun te khar a ni a, lirthei tlan leh mihring veivak an awm lova, bandh huaihawttute chuan Champhai kawng, Aizawl kawng, Keifang Dawrkawn, Rulchawm Dawrkawn, Saitual Dawrkawn, SDO Office peng, Lungdawh kawn, PWD kawn, Sihfa peng, |amdil peng leh Sihfa Dawrkawnah te duty in siamin lirthei leh mihring pawn chhuak an dang a, Saitual District siam phuttu khaw hrang hrang te pawhin an khua \heuhah bandh an huaihawt a ni. Bandh neih chhung hian Aizawl lam leh Champhai lam kawngah lirthei engemawzat an tangkhang a ni. Bandh huaihawttute hian an thil phut sorkara thlen tur ziahna memorandum chu anmahni awptu Civil SDO, Pu R. Vanlalsawma hnenah an thehlut a ni. An thil phut zingah chuan Election Model Code of Conduct-in a puan hma ngeia Saitual District siam tura sorkar an phut thu te, |awi East Block huam chhunga Congress Unit te seal dah tir ngai kher lova District siam thuai tura sorkar an ngenna te, chak zawka hmasawnna hna thawh theih an duh thu te an tarlang a ni.