26th Mini National Volleyball Championship Final, kumin April ni 28-a R. Dengthuama Hall-a khelh zawha Manipur Volleyball team Captain, Sakil Chesam chunga kut thlak tur nia hriat, F.Hmingthansanga kum 37 mi, Mualpheng, Lalveng-a Thuamliana fapa chu Mizoram Police ten tun thla ni 15, khan manin thu an zawt fiaha, Aizawl District SP Pu C Lalzahngova thu chhuah tarlan danin F.Hmingthansanga hian Police te thuzawhfiahna chu ‘Min hmutu leh min puhtu an awm tlat chuan a tul leh kan tuar anga a ni mai lawm’ tiin a chhanga, tun thla ni 18 zirtawpni khan Jail ah dah luh a nia, thil awm dan zawhfiahna zawhfel anih hunah Charge-sheet siama, Court-ah thehluh a ni dawn niin a sawi a ni. Puan tawh angin Manipur team Captain Sakil Chesam hi na taka hnek nia hriat a nia, Mizoram Volley Ball Association hotuten Kulikawn Police Station-ah FIR thehlutin kut thlaktu man chhuak turin Police te an ngen a, rei tak zawn a nih hnuah kutthlaktu nia hriat, F.Hmingthansanga hi man chhuah a ni ta a ni.
