Kum 18-a upa Nl. Carolyn H. Lalvenmawii hi Myanmar ramri Saisihchhuah bulah May 4 leh ni 11 chhung khan a Duty a, Malaria vangin a damlo ta a, Sangau PHC panpui a nih hnuah nimin khan a thi a, a ruang hi lumen a nih hnuah Sangau-I thlanmual-ah YLA-in thlanpui siamsakin Lai Hnam Pasaltha boralte thlahna leh Chawimawi thin angin ropui leh zah taka vuiliam a ni.
Nl. Carolyn H. Lalvenmawii vui a nih lai hian Central YLA huaihawtin Lawngtlaia Areopagy-ah sun a ni a, he inkhawm hi Central YLA President, Pu J.Sangthangpuia’n a kaihruai a, YLA member-te chu ngawi rengin Minute khat chhung an ding a ni.
Nl. Carolyn H. Lalvenmawii sun nan hian YLA Branch zawng zawngin YLA Flag chu a ngul chanve-ah an zar a, sunna hun hman zawh hnu hian Minute 5 chhung Lawngtlai khawpui chhunga lirthei zawng zawng dintir vek a ni.
