Vawiina Aizawl Press Club-a thuthar lakhawmtute an kawmnaah Save Sinlung Hills Councill Committee Convener, Pu Lalremruata Varte chuan, kum 2018 April ni 2-a HPC (D) leh Mizoram sorkar-in inremna an siam zulzuiin Sinlung Hills Council hi din a ni, a ti a. Council Sorkar lailawk lo enkawl tura ruatte chu kumin January ni 8 khan an term a tawp a, hemi hnu hian thla 6 pawh sei leh a ni a. Hemi \um hian sorkar chuan inremna a ziahpui HPC (D) rawn lovin SHC member tur chu an duhsak zawng an ruat ta mai nia sawiin, hemi chungchangah hian HPC (D) chu an lungawi lo hle a, buaina a awm leh palh an duh loh avang leh inremna thuthlung an zah avang chauhin ngawih an chuh niin a sawi. Pu Lalremruata Varte chuan, SCH-a sorkar lailawk term kal mek chu tun thla ni 8 hian a tawp leh dawn avangin sorkar chuan thla 4 atan an term hi a pawt sei leh nia sawiin, sorkar lailawk kaihhruai chungchangah hian party induhsakna hmang tawh lo turin Mizoram sorkar chu an ngen tih a sawi.
Sinlung Hills Council hi tun hmaa Sinlung Hills Development Council tih a nih lai a\anga kum 25 interim period an hman tawh thu sawiin, Save Sinlung Hills Councill Committee chuan, Interim period chu mipuiin an ninhg tawh hle niin an sawi a. Interim period hi titawp a, sorkar mumal zawk siam turin a rang thei ang bera inthlan buatsaih an duh tih an sawi a. Inthlan buatsaih a nih hma chuan SHC Budget-a Development works khawihna tur sum chu khawih chet ni lo se an duh thu leh he thil hi ngun taka an thli thlai reng tur thu an sawi. Mizoram Sorkar leh HPC(D) inremna angin SHC tih changtlunna tura sorkar in post hrang hrang 34 a siam zianga State Service post ni lo zawng chu, HPC returnee leh an tu leh fate tan dah turin Sorkar an ngen bawk.
