Thenzawl Vengthara Horticulture College sak mek chu vawiin khan Mizoram Horticulture Service Association leh Mizoram Agriculture Service Association hruaituten an tlawh a, hnatawktu nen an inkawmnaah Contractor chuan, ruahtui tlak tam avangin hmanrua lakkhawm lamah harsatna an tawh \hin avangin hun bituk chhunga an zawh hman loh an rin thu leh a \ul anga hun pawhsei dil belh an tum thu an sawi a ni.
Thenzawla Horticulture College hi sak mek ni mah se, kum 2016 a\ang khan Selesiha College of Veterinary Science-ah class \an a lo ni tawh a, Batch tinah zirlai 20 zel awm thei niin, tunah hian 3 an awm tawh a, Batch hmasa berah zirlai 17 awmin, kumin hian an zirlai an zir zo tawh dawn a, tun hnai deuh khan zirlaite hi Selesih a\ang Thenzawlah hian an insuan lut tawh a ni.
Thenzawla Horticulture College hi hmar chhak state te tana tih deuh bik ni mah se, ICAR hnuaiah State dangte tan All India Reservation Seat 2 dah a ni a, tunah hian zirtirtu 9 an awm mek a ni. Zirlaite nen an inkawmnaah Horticulture Director, Dr. Elizabeth Saipari chuan, an Coolege chu a nih tur ang la ni pha chiah lo mah se, Mizoramin an tan thil \ha a tih sak angin Mizoram tan thil \angkai engemaw tal hnutchhiah ngei tum turin a chah a ni. Thenzawla Horticulture College Campus hi Square feet 20,000 a zau a ni a. Hetah hian Administrative Building, Class Room leh Laboratory Room bakah Mipa leh Hmeichhe Hostel Room 32, mi 64 awm theihna tur a hran ve ve a sak a ni a, contractor hi NPCC niin, a sak nan hian Rs. vaibelchhe 71 ruahman a ni a, hun ruat sa ang chuan tun a\anga thla 8 hnua zo hman tura tih a ni.
