Serchhip Bawrhsap, Dr. Lalzirmawia Chhangte-in vawiin khan Serchhipa thuthar lakhawmtute a pisaah a kawm a, an district chhungah Covid-19 kai 1 hmuh chhuah a nih thu leh sorkar hmalak dan a hrilh.

0
174
views

Serchhip Bawrhsap chuan Covid-19 positive hmuhchhuah hi Serchhip a thlen zan khan medical team-in an rinhlelh avangin isolation center, SIRD Hostel-ah an dah nghal tih sawiin, he hmuna lo awm tawhte chu RT-PCR test an negative vek avangin sawn chhuah an ni a ti a, hri kai hmuhchhuah hi thalai, taksa hrisel tha a nih avangin harsatna a nei lo va, ZMC-ah an thawn dawn lova, hetihrual hian midangin an kai loh nan pindan pakhat, inthiarna awm nghalah tuma tlawh pawh theih loh tura khunghran anih avangin mipui tan chiaina tur a awm lo a ti.

Serchhip District atang hian Swap Sample 153 test tawhin positive 1 hmuh a ni a, sample 85 test hmabak an la awm a, quarantine hun hmang zo tawhte chu RAT test tih sak leh mek an ni bawk.

Thuthar lakhawmtute zawhna chhangin Bawrhsap chuan Serchhip District-ah Care centre mi 100 vel dah theihna tur ruahman mek a ni a ti.