Election Commission thupek anga nakkum January ni 1-a kum 18 tling chin, Electoral Roll-a thun tura Electoral Roll Special Summary Revision neih mekah vawiin khan Serchhip District-a Booth Level Officer te training DC Conference Hall-ah pek an ni. He training-ah hian Serchhip Bawrhsap, Pi Sangchin Chinzah chuan nakkumah Mizoram Assembly inthlan a awm dawn avangin Electoral Roll thar dik leh felfai tak buatsaih kawngah Booth Level Officer te chu an pawimawh hle a ni tih inhre turin a fuih a ni. He training-ah hian Master Trainer, Pu Beitlotha Nohro-a’n thil pawimawhte a zirtir a ni.
