MNF Party hotute hnen a\anga Zonet thudawn danin, Seat 12 awmna Sinlung Hilss Council-a seat insem dan tur inremna an siamfel tawh ang hian he inthlanna-a chuh tumte tana hming pek luh theih hun tawp, naktuk ral hmain candidate turte chuan an hming an pelut dawn a ni.
Hetihlai hian Congress Party chuan he inthlanna neih tur hi chuh an tum thu an lo sawi chiang tawh a, tunhnaia Mizoram Pradesh Congress Committee, Political Affairs Committee \hukhawm chuan Sinlung Hills Council inthlanpui hmasa ber turah hian HPC-te ngenna angin, candidate hranpa siam loh ni se tiin thutlukna lo siam tawh mahse HPC hruaitute leh MNF party-te thawhho tuma an indawr leh si avangin candidate dah hi an rel leh a ni.
ZPM Political Affairs Department chuan a huam chhunga an mite chu an duh anga hmala turin thuneihna a pe thung a, Prism Party erawh chuan HPC party-in candidate hran siam lo tur leh an candidate te thlawp tura an ngen angin candidate siam lo turin thutlukna an siam tih an lo puang tawh bawk a ni.
State Election Commission in ruahmanna a siam angin Sinlung Hills Council inthlanna-a chuh tumte tan hian naktuk thleng hming pek luh theih a ni a, hming pekluhte Zirtawpni-ah endik a ni ang a, inhnukdawk leh duhte tan kar leh Thawh\anni thleng hun hawn a ni ang. Inthlanna hi November ni 5 ah neih a ni dawn a, zing dar 7 leh tlai dar 4 inkarah vote thlak a ni ang a, bial 12-a vote tla te chu bial \huthmun zelah chhiar nghal tur a ni.
Inthlanna felfai nei thei tura inbuatsaihna kal chho mekah Aizawl District Magistrate chuan zan dar 10 leh zing dar 6 inkarah te phalna nei lova aurinna hman khapna thupek a ti chhuak a, November ni 2 a\anga ni 5 tlaia vote thlak zawhfel a nih hma chuan state dang nena inrina leh district dang nena inrina ramri kan khapna thupek a tih chhuah bakah, November ni 3 tlai dar 4 hnu lama campaign khapna thupek a ti chhuak bawk a ni.
Sinlung Hills Council Inthlanpui vawi khatna hi ballot paper hmanga neih tur a ni a, bial hrang hrang 12 ah te hian vote nei mi 20914 an awm a, chung zinga 10509 chu mipa an ni a, abak 10405 chu hmeichhia an ni.
Nikum April ni 2-a HPCD te leh Mizoram sorkar inremna angin Sinlung Hills Development Council chu Sinlung Hills Council-ah hlankai a ni.
