Bial 12 awmna, Sinlung Hills Council inthlan vawi khatna buatsaih dan tur kimchang hi State Election Commission chuan vawiin khan a puang a, inthlanna neih a nih tur thu hriattirna chu Ningani khian State Election Commission leh Returnig Officer ten an ti chhuak ang a, chuh tumte tan kar leh Ningani, October ni 10 thleng hming pekluh theih a ni ang a, hming pekluhte chu a tuk October ni 11 ah endikim inhnukdawk leh duhte tan October ni 14 thleng hun hawn a ni ang.
Inthlanna chu November ni 5 ah neih a ni dawn a, zing dar 7 leh tlai dar 4 inkarah vote thlak a ni ang a, bial hrang hranga vote tla te chu bial \huthmun zelah chhiar nghal tur a ni a, November ni 8 ah chuan inthlan kaihhnawih tih tur \ulte zawhfel tawh tur a ni.
Inthlanna hi ballot paper hmanga neih tur a ni a, bial hrang hrang 12 ah te hian vote nei mi 20914 an awm a, chung zinga 10509 chu mipa an ni a, abak 10405 chu hmeichhia an ni.
