ZONET zawhna chhangin Home Secretary, Pu Lalnunmawia Chuaungo chuan he ruahmanna lo siam tawh bawhzuia tun thla ni 25, Inrinni a\anga Bru Camp hrang hrang a\anga Mizoram mite laklet dan tur chungchanga ruahmanna siam dan te chu naktukah Damcherra-ah Mamit Additional DC, Pu Jacob Lalawmpuia leh Kanchanpur Sub Divisional Magistrate, Pu Sajal Biswas ten Bru hruaitute an hrilhfiah dawn a ni. An hrilhfiah tur zingah chuan Camp hrang hrang a\anga Mizorama let duhte motor-a hruai chhuah dan tur te, an kal dan tur leh Mizoram an thlen huna enkawl zui an nih dan tur te a tel dawn a, Mizorama kir tur te chu hruai chhuah an nih dawn huna lo inpeih thei turin an hrilh dawn a ni. Home Deptt. hotute sawi danin heng mite Mizorama hruai kir nan leh anmahni \anpui leh chhawmdawl nan sorkar ruahman sa sum a awm a, Mizorama kir turte tan hian Mamit District-ah anmahni dahna tur khaw 46, Kolasib District-ah khaw 10 leh Lunglei District-ah khaw 4 ruahman a ni a, hengah te hian an awm lailawkna tur camp leh an in sakna tur ram pawh ruahman fel sak vek a ni tawh a ni.
