Sorkar laipui puihnaa damdawi lam zirnaah kumin hian North Eastern Council (NEC) hnuaiah Mizoramin seat 90 a chang

0
250
views

Sorkar laipui puihnaa damdawi lam zirnaah kumin hian North Eastern Council (NEC) hnuaiah Mizoramin seat 90 a chang a, hei bakah hian Central Pool-ah seat engemawzat chan beisei a ni bawk. Chaltlanga Higher and Techincal Education Department, Technical Wing hotute hnen a\anga Zonet thudawn danin, NEC hnuaia Mizoramin seat a chan hi MBBS seat 82, BDS seat 7 leh Bachelor of Audiology and Speech Language Pathology (BASLP) Seat 1 a ni a. MBBS-a Mizoramin seat 82 a hmuh zinga seat 70 chu Mizoram Institute of Medical Education and Research (MIMER)-ah niin, Manipur-a Regional Institute of Medical Science-ah seat 7, Tripura-a Agartala Government Mediacl College-ah seat 2 leh Shillong-a NEIGRIHMS-ah seat 3 a ni a. BDS seat hmuhte chu Manipur-a Regional Institute of Medical Science-ah seat 4 leh Guwahati-a Regional Dental College-ah seat 3 niin, kumin hian kum dangah Mizoramin a la hmuh ngai loh Bachelor of Audiology and Speech Language Pathology (BASLP) Seat 1 dawn a ni bawk. Technical Wing hotute chuan, NEC bakah hian Central Pool a\ang pawhin damdawi lam zirna hi seat engemawzat chan beisei a ni tih an sawi a, Central Pool-a Mizoram seat chan tur hi tun dinhmunah chuan engzat nge hriat theih a la ni lova, August thlaah chuan hriattheih beisei a ni tih an sawi. Zawhna chhangin Technical Wing hotute chuan, tun hmaa Mizoramin a la neih ngai loh Medical College chu kumin a\angin Mizoramah bul\an ni dawn mah se, kum danga Mizoramin Central Pool-a seat a hmuh \hin ang chu a tlahniam lutuk lo tura an beisei thu an sawi a, hetih rual hian seat sem dan chu sorkar laipui thuneihna a nih avangin thil awm dan tur sawilawk theih a nih loh thu an sawi. Sorkar laipui puihnaa damdawi lam zirnaah hian nikum khan Mizoramin MBBS-ah Central Pool a\angin Seat 17 leh NEC a\angin Seat 13, avaiin seat 30 leh BDS-ah Central Pool a\angin seat 8 leh NEC a\anga Seat 7, a vaiin seat 15 a chang a ni.

Puan tawh angin Sorkar laipui puihnaa Mizoram Quota-a technical course hrang hrang zir turte tan Higher and Technical Educationb Department-a Technical Wing chuan Online Counseling hmangin Seat a pe chhuak dawn a, a hrechiang duh tan www.mc.mizoram.gov.in ah ngaihven theih a ni. NEET kaltlanga MBBS leh BDS zir tumte leh SMATEE hmanga techincal course hrang hrang zir turte chu Online hmanga Regustration ti vek turin an hriattir a ni.