Sorkar laipuiin Citizenship Amendment Bill, 2016 pass a tum remtihlohna lantirna tur official resolution, Home Minister, Pu R. Lalzirliana putluh chu sawiho a nih hnuah lungrual taka pass a ni.

0
596
views

Sorkar laipuiin Citizenship Amendment Bill, 2016 pass a tum remtihlohna lantirna tur official resolution, Home Minister, Pu R. Lalzirliana putluh chu sawiho a nih hnuah lungrual taka pass a ni.

He resolution hi sap \awnga ziah a nih ang anga pass a ni a, a thu ziah dan chu ‘That this House resolves to impress upon the Govt. of India its unequivocal opposition to the proposed Citizenship Amendment Bill, 2016 that seeks to amend the Citizenship Act, 1955 to make illegal migrants eligible to be given Indian Citizenship on the basis of religion’ tih a ni.

Resolution sawihonaah hian member 14 ten thusawiin sakhaw behchhana ram khua leh tui nihna inpek theihna dan siam tum chu India ram danpui kalh niin an sawi a, member \henkhat chuan Prime Minister, Pu Narendra Modi-an Hindu refugee ram dang a\anga India rama lo lut te a tlawhnaa a thusawi bawhzuina leh tihpuitlin tumna niin an sawi a, Bangladesh, Afghanistan leh Pakistan a\anga dan lova India rama lo lut Hindu, Buddhist, Sikh, Jain, Parsi leh Kristian te India rama kum ruk an awm hnuah India ram khua leh tui nihna pek theih a ni ang tih chu Mizoram tan chang ni lovin a bikin hmar chhak biala State hrang hrangte tan leh ram chhung State dangte tan pawh thil \ha lo niin an sawi a, member \henkhat phei chuan hei hi sakhaw thila India ram mite \hen hranna leh sakhaw zalenna khawih buai thei tur, India ram chakna thahrui pawimawh ber, ‘Unity in diversity’ tih chhiatna tur nia an hriat thu an sawi a, he dan siam \hat tumna hi pass-a hman a nih chuan hmar chhak biala State hrang hranga ram leilung fate chu reiloteah chimralin an awm thei dawn nia an ngaih thu an sawi a ni. Sawihona bul \antu Home Minister, Pu R. Lalzirliana chuan Citizenship Amendment Bill, 2016 hi kum 2016, July ni 15 khan Lok Sabha-ah Union Home Minister-in a putluh thu te, hei hi Citizenship Act, 1955 tihdanglam tumna a nih thu te, hemi hmalam hian he dan hi \um nga siam\hat a lo nih tawh thu te, chutah chuan thil ngaihmawh awm tak a awm loh thu te, tun \umah erawh chuan ramdang mi dan lova lo lut te kum 6 chhung leka India ram khua leh tui nihna pek theih tum a nih thu te, he dan siam tum hi Chief Minister, Pu Lal Thanhawla hova Council of Ministers tun thla ni 12-a \hukhawmin an duh loh thu an lo auchhuahpui tawh thu te a sawi a ni. Opposition Group Leader, Pu Vanlalzawma chuan he resolution hi pass a nih hnuah tihdan pangngaia sorkar laipuia thawn thlak tur chu duh tawk mai lovin anmahni a\ang ngeia a bawhzuitu pawl insiam a, bawhzui a \ul thu te, Parliamentary Affairs Minister emaw, Union Home Minister emaw te leh he dan siam tur bawhzuitu, Joint Parliamentary Committee hmu tur pawl siam \ul a tih thu a sawi a ni. Member thusawitu zawng zawngte hian resolution chu an thlawp thu leh he dan thar hi siam lo tura chak zawka sorkar laipui nawr zui chu \ul an tih thu an sawi a ni.