Sorkar laipuiin Citizenship Amendment Bill 2016, pass a tum pass a nih lohna tura zanin inkhawma \awngtai rual turin Mizoram Kohhran Hruaitute Committee chuan Kohhran hrang hrang a ngen.

0
211
views

He ngenna, nimina tihchhuah takah MKHC chuan Citizenship he Bill hi karleh thawhlehni, tunthla ni 12-ah Rajya Sabha Business pangngai bakah Supplementary List a putluh tum nia hriat a nih avagnin pass lohna tura \awngtai rualna, tunthla ni 16, karleh inrinzana neih tura ruahmanna a lo siam tawh chu sawn hmaiin, zanin inkhawma \awng\airualna thupui atan hmang turin Kohran hrang hrangte a ngen a ni. He tih lai hian Rajya Sabha a Mizoram aiawhtu Meber Pu Ronald Sapa Tlau chuan Zonet zawhna chhangin hmar chhak bial MP leh Oppostion member dang ten an duh ber chu he Bill hi ngaihtuah tura putluh loh a nih laiin he bill hi pass a nih ngei theih nan Prime Minister Pu Narendra Modi leh a thurualpuite chuan bawhzui zel an tum niin a lang a ni a ti a, hetihlai hian BJP chhungkuaah pawh ngaihdan phir a awma, an Party President Pu Amit Shah leh Vice President, Pu Venkata Naidu, Rajya Sabha Chairman ni bawk te chuan Party hrang hrang ngaihdan la a, lungrualna neia pass an duh niin a langa, heti chunga Rajya Sabha Supplementary list a luh chuan pass a nih loh nan Congress MP leh Opposition member dang ten nasa takin an bei tih sawiin, nimin pawh khan Congress hruaitu Pu Gulam Nabi Azad kaihhruaiin a office-ah an sawihova, chutah chuan Congress Chief Whip, Pu B. Kalita leh mi pawimawh dangte pawh an tel a, Trinamool Congress leh Shiv Sena te pawhin he Bill hi thlawp loh an tum nia sawi thawm a awm avangin Rajya Sabha-ah a tlang loh hram an beisei niin a sawi a ni.