Sports Dept. thu chhuah nena inzawma ngaih theih turin, Sports Minister Pu Robert Romawia Royte chuan Budget-a hnathawhna tur sum awm sa hmanga hmalak zung zung a tul tih vawiin khan a sawi a.

0
17
views

Darlawn khua-a, Education Minister Pu Lalchhandama Ralte a tawiawmnaah Sports Minister hian Budget-a hnathawhna tur atana sum awmsa, Bank-ah te emaw dah tang mai mai lova, a hmanna tur atana ruahman sa thawh zung zung hi Sawrkar sumin miretheite hnen a thlen theih dan tur a nih avang leh Central Sawrkar atanga sum tam zawk hmuh belh theihna anih avangin dan phal chhungah hmalak zung zung tul a tih thu a sawi tih vawiina Sorkar thuchhuahah tarlan a ni.

Sports Minister hian hun rei tak COVID-19 avanga hnathawk thei lova Sorkar leh mipui an awm avangin mipuiin sum leh pai leh ei leh barah harsatna an tawk nasa a, COVID-19 hri a reh chhoh mek laiin hmasawnna hna thawh tan chhoh theih a beiseiawm tih a sawi bawk a ni.