Vawiina MNF party office Hnam Run inkhawmah thu sawiin Pu Robert Romawia Royte hian, khelmual chhawng siam tum a ni tih a sawi chungchang hi a sawifiah a, khelmual chhawng elevated football ground chu ram changkang zawkah pawh a awm nual tawh nia sawiin tuna an thil tum pawh hi an tihhlawhtlin ngei a rin thu a sawi a, Govt Mizo High School field chu tih zawl a nih hnuah phullem phah a field changtlung taka siam a ni ang a, a hnuai chu parking leh thil \ul dang atana hman a ni dawn tih a sawi.
Mizo High School field hi \hal laiin a khuk bakah CM pisa leh a chhevel nasa takin vaivutin a ti bal \hin a, hemi sutkianna tura CM leh Dy CM hova rel angin he field hi \ha zawka siam tum a ni a ti.
Pu Robert Romawia Royte hian a dept. chan enkawlna tur budget chungchang CM a sawi pui tawh thu a sawi a, Assembly \hutkhawm neih zawh takah khan Sports Dept. atan cheng vaibelchhe 10 leh Tourism Deptt atan cheng vaibelchhe 1, zofate insuihkhawmna kawnga hmalakna tur leh Tourism tihhmasawnna tur te pek a nih thu a sawi lang tih sawiin Finance Deptt pawhin a \ul angin pek belh zel pawh an tum niin a sawi a, Mizoram Budget pawnlam a\anga sum hmuh dan tur dapin an \ang hle dawn tih a sawi.
