MZP hian Bairabi Zophai Mizoram chhunga Zofate chawlhbuk an lo sak tawh, Assam Police leh Assam Forest department-in rei lote chhunga a \hiah lai leh a hnu a sak leh tuma kal zirlaite nasa taka an vuak leh kah hial an tawh pawha chhantu leh thlavang hauhtu an neihloh lai a, tun hnaia Vairengte khawdaia Sipai Cinema hall hlui Assam Forest ten sa \haa an luah nghal thei mai chu pawi an tih thu an sawi.
He building-a Assam Forest awm ho chu sorkarin a chhuah tir lo a nih chuan, tun thla ni 17 ral hmain Bairabi Zophai hmunaah Zofate Chawlhbuk sorkar in a sa ve ngei tur a ni MZP hian an ti a. Zofate Chawlhbuk hi sorkarin a sa thei dawn lo a nih chuan ni 19-ah Ram chhan kawngzawh neih an tum tih an sawi bawk.
MZP meeting chuan ramri chungchanga document tul leh pawimawh lakhawm tura Core Committee in a tih angin, kumin April ni 16 khan document te Mizoram sorkar din core committee ah hian an thehlut tawh tih an sawi a, tun thlenga bawhzuina a la awm lo nia sawiin, hriatthiam har an tih thu an sawi.
