Sports Minister Pu Robert Romawia Royte-in MNF party chu Mizoram a\anga BJP nuaibo tuma hmalatu a ni tih a sawi.

0
347
views

He thu hi vawiina Aizawl Press Club-a thuthar thehdarhtute a kawmnaah sawiin, MNF in BJP party a zawm lova, Sorkarna pawh a siampui lova eng inthlanah mah an la thawhpui ngai lo a ni, a ti. Pu Robert Romawia Royte chuan, thuneihna an chan hlim khan mi\henkhatin CADC-a Congress leh BJP thawkdun sorkar chu khawihngam lo turah an ruat a, mah se an tum angin CADC a sorkarna chu khawih danglamin MNF sorkar thar a piang tawh a, tlem lai deuha ZPM Leader, Pu Lalduhoma te inbiakna putru nia an sawiah Pu Lalduhoma’n MNF an len chuan BJP a lian ngai lovang tih leh BJP hmelma chu MNF a ni tih thiam taka a sawi chu a sawidik hle a, tunah hian hemi dikna hi a thleng chho mek a ni, a ti.

Pu Robert Romawia Royte chuan, CAB chu a rawn irhchhuah tirhah MNF chuan a ngaimawh nghal hle tih sawiin, Mizo mipuite pawhin an duh lova, a dodal kawnga an hmalak dan erawh a inang lo a, Sorkar hmasa Chief Minister Pu Lal Thanhawla chuan he Bill dodal kawngah hma a la mumal lova, a dodal turin Delhi-ah vawi khat pawh a thleng lo nia sawiin, he thil duh lotu State \henawm party hruaitute pawh thurualpui emaw dodalpui emaw tura sawmna a chechhuak lo a, ZPM hotute pawhin a dodalna tur hmunah vawi khat pawh an thlen lo niin a sawi. Lok Sabha leh Aizawl West I bye election neih tura an Party Candidate te chu an \ha tawk hle tih sawiin, Pu Robert Romawia Royte chuan, midangpawhin an awh leh an sawm an ni a, an tlin ngei pawh a rinawm a ni, a ti a. Party \henkhatin Manifesto chu an inziah \hat siak vel mai mai anga an sawi laiin an party erawh chuan tihhlawtlina hmalak chu an tum lian ber a nih thu a sawi. Tunhnaia Mizorama Sorkar-a Councils of Minister \hukhawmin sum hailut tur Mizoram Goverment Construction Corporation din an remtih thu sawiin, hei hian State dang a\anga Company lian tak tak ten Mizorama hna lian tak tak an thawh \hin chu a lo dang thei dawn a ni, a ti.

MNF MP Candidate, Pu C Lalrosanga pawhin, MP a thlantlin a nih chuan Sorkar tha tichaktu nih leh Sorkar Project a hlawhtlin theina tura theihtawpa bawhzui zel a tum thu a sawi a, Mizoram mipui tana \ha lo leh thlavang hauhna tur ang chi chu theihtawp chhuah a dodal leh thawh chu a tum a nih thu a sawi.

Aizawl West I Bial Bye election a MNF Candidate, Pu Zothangtluanga pawhin, intlnna neih turah an inbeina hle tih a sawi a, kum engemaw chhung chu an bialah hmasawnna hmuh tura a awm tawh loh thu a sawi a, hei hi thlantlin a nih chuan tihdanglam a, bial hmasawn leh \hang tak a siam a tum thu a sawi a ni.