Vawiina Upper Rupublic-a an Party Pisa-a thuthar lakhawmtute a kawmnaah Prof. JV. Hluna chuan, naktip maia MP thlanna neih tura Candidate \henkhatin Citizenship Amendment Bill dodal leh BJP-in India rama Hindu lalram din a tum dodal chu MP nih an tum chhan anga an sawi te, an tling a nih chuan NDA lo lama an \hut tur thu an puang chu Politics-a an la inchiah loh vanga thil an hriat tlem vangah puhin, CAB chu Lok Sabha-a Pass a nih hnuah Rajya Sabha-ah a tlang tak rih loh avangin a thi tawh a, thi tawh do chu intih hahthlawnna mai a ni, a ti a. He Bill hi an tharthawh leh duh a nih pawhin a hma mi anga tih leh chu thil tih ngai ni loh avangin tun hnai mai khan Union Minister of State for Home, Pu Kiren Rijiju chuan CAB chu tharthawh leh a nih pawn hmarchhak bial a huam loh tur thu leh BJP President, Pu Amit Shah-a’n Hmarchhak mite himna atan Special Provision siam a nih tur thu an lo sawi tawh avangin NDA a\anga inhnukdawk tawh Party \henkhat chuan an inhnuhdawhna hlipin NDA ah an tel leh tawh niin a sawi a. Mipuite hlauhtawn anga thil a lo kal palh a nih pawhin BJP hmalakna dodal tura \ha ber chu BJP vek a nih avangin Mizoram mipuite chu BJP Candidate, Pu Nirupam Chakma thlan nachang hre turin a chah a ni.
Prof. JV. Hluna chuan, Mizoramin MP \ha tak tak a lo nei tawh \hin tih sawiin, MP awm tawhte hmuhsitna ni awm taka Candidate \henkhatin an Campaign-na a pianga thil tih theih tam tak an sawi \hin chu \ha lo a tih thu a sawi a. MP Fund bak sum tam tak hailuh tur a awm thu leh Border Trade tihpuitlin an tum thu intiamtute chuan MP awmsate aia thil tithei zawk tura tura an inlantirna leh an mahni hmuh hniamna nia a ngaih thu a sawi. BJP-in India chu Hindu lalram-a siam an tum tia Campaign au hlaa hmang an awm tih sawiin, BJP hian India chu HYindu lalrama siam tum lo pawh ni se, India chu Hindu lalna ram a ni sa tho tho a ni, a ti a. Hemi ai hian Muslim pung chak lutuk chu ngaihtuah ngai zawk a ni a, Mizoramah pawh Muslim \hahnem tak an awm tawh avangin ngaihmawh tur dik ngaihmawh thiam a ngai a ni, a ti. Zawhna chhangin BJP Mizoram Pradesh President chuan Chakma pawh ni se thuneituten Electoral Roll-a an thun tawh phawt chu Foreigner-ah an ngai lo tih a sawi a. Candidate pakhatin MP chu zau zawka Pathian rawng a bawl theihna tur a nih a beisei thu a sawi chu thil a hriat loh vang nia sawiin, MP chu Pathian rawngbawlna tur ni lovin ram rawngbawlna tur zawk a ni tih hriat a ngai a ni, a ti. Tunah hian BJP chu centreal lamah an sorkar leh ngei dawna a lan avangin Mizo mipuite pawh BJP MP Candidate vote vek turin a sawm bawk.
