SRS-in thla 5 chhungin ruihhlo cheng nuai 147 chuang hu man

0
902
views

Central YMA hnuaia ruihhlo dotu pawl, SRS batch 5-na chuan, kumin March ni 3 atanga tun thla ni 8 thleng khan ruihhlo, cheng nuai 147 chuang hu an man tawh. SRS batch 5-na hian Central YMA Treasurer, Pu J. Lalsailova hovin March ni 3 atang khan ruihhlo dona kawngah hna an thawk a. Tun thla ni 8 thleng khan Heroin No. 4, Hawng 97, Cane 576, Chhinsen 73 bakah Ganja pack 71, Pseudoephedrine, Khehpuam tia hriat bawk kg. 55 leh Proxyvon strip 49 an man tawh a, heng bakah hian ruihna atana hman thin damdawi dang tam tham tak an man tel bawk a ni. SRS hian ruihhlo zuar leh a kahihhnawihte bakah, Aizawl khawpui chhunga chhun leh zana lama ruihhlo ruite leh hmeichhe awm tha duh lo 360 an man tawh bawk a, an mi mante zinga mi 19 chu home-ah an dah a, Excise & Narcotics Department kutah mi 6, police kutah mi 2 an hlan bawk a, mi 112 erawh chu counselling an neihpui hnuah an chhuah leh a ni. Zonet zawhna chhaagin SRS hruaitute chuan, tunlai hian hian Aizawl khawpui chhungah ruihhlo ngai leh a zuar bakah hmeichhe awm tha duh lo an pung niin an sawi a, tun hnaia an mi man tam zawk chu Chawnpuia Tawngtai Bethel Camping Centre atanga chhuak an nih thu an sawi bawk. Tun hnaiah chuan an mi mante hi Tawngtai Bethel Camping Centre-a dah an nei lo niin an sawi bawk a ni.