SSU General Headquarters Assembly vawi 32-na rorel inkhawm neih a ni

0
318
views

Students Self Support Union General Headquarters Assembly vawi 32-na rorel inkhawm, vawiina neih chuan, Mizo zirlai zinga UPSC Preliminary Examination-a inziak tlingte tana Mizoram sorkar-in Incentive Cash Award a pek \hin chu cheng 1,00,000 ah tihsan a nih theih nan \an lak ni se an ti. SSU General Headquarters Assembly rorel inkhawm hi vawiin khan Aizawl Tennis Court bula NLUP Conference Hall-ah neih a ni a, an thu pass dang zingah Mizo \hangtharten mahni intodelh an ngaih pawimawha, an nuna a beh theih nan mahni intodelh chungchang chu zirlaibu-a telh tura \an lak ni se tih te, Mizoram sorkar-in sikul \an hun a sawn hma chu zirlai, zirtirtu leh nu leh pate a nghawng dan leh an tuar dan thlir chunga ruahman \ha tura sorkar ngen ni se tih leh Intodelh tura inzirtirna leh Carreer Guidance Programme chu kumtin Branch hrang hrangah a tam thei ang ber buatsaih ni se tihte a tel a. An pawl inkaihhruaina dan thar eng emaw zat an siam \ha bawk.

SSU General Headquarters Assembly vawi 32-na Rorel Inkhawm hi an pawl President, PC. Lalramengmawia’n a kaihruai a, Assembly hi kar leh Thawh\anni hian Aizawl Chanmari YMA Hall-ah hman chhunzawm a ni ang.