China a\anga khawvel ram hrang hranga darh chhuak, hri leng Corona Virus chu Kerala-a hmuh a nih bak India ram hmun dangah hmuh a la ni lo tih Health Dept hotute chuan an sawi a, State dang a\anga Mizorama lo haw, tuna Falkawn Referral Hospital-a enkawl mek pawh hi a chhuahsan state-ah Coronavirus vanga damlo tun thlengin hmuhchhuah an la awm lo tih Health Dept thuchhuah chuan a sawi.
China atanga lo haw mi paruk, In lama tawm tir mek te bakah vawiina Mizorama lo haw thar pakhat pawh In lama tawm-im rih tura tih a ni tih Health Dept hotute chuan an sawi a. China atanga Mizorama lo kir zingah hian in sawiselna nei an la awm lo tih an sawi.
Corona Virus chungchanga harsatna tawk emaw, report tur neite emaw chuan call pangngai emaw Whatsapp emaw in phone number 82599 30355 leh 76309 43153 ah te thlen theih a ni tih Health Dept chuan an sawi.
Hetihlai hian Mizoram sorkarin khualzin lut leh chhuakte a endikna hmun zinga pakhat, Zokhawthar tlawhtu Zonet palai sawidanin khualzin endik tura dahte hi office hun chhung chauh an duty a, zan leh zing kara lo lutte chu endik an ni ngai lo a. Myanmar lama medical duty te erawh chu darkar 24 chhung an duty a ni. Lengpui \umhmunah pawh khualzinte hi endik mek an ni.
