Lalremsiami hian vote tla zawng zawng a\angin zaa 40 zet a hui a, Argentine player Jankunas leh Netherlands player Frederique Matla te hneh takin a khum a ni.
Lalremsiami hi India hmeichhe hockey player, he lawmman dawng thei hmasa ber a ni a, India mipa hockey player Vivek Sagar Prasad chuan FIH Rising Star of the Year hi a lo dawng tawh a, ani hi India mipa he lawmman dawng thei hmasa ber a ni bawk.
Remsiami hma hian tuna India hmeichhe hockey team captain Rani Rampal chu he lawmman dawng thei tura nominate a lo ni tawh a, kum 2010, 2013 leh 2014 ah te khan a hming phochhuah nimahse chawimawina hi a dawng pha lo vek a ni. Mizo nula Remsiami hian a hming a lan vawi khatnaah FIH Rising Star of the Year hi a dawng nghal a ni.
FIH Rising Star of the Year-a thlan a ni hi Kolasib nula Siami hian a beisei phak bak a nih thu a sawi a. Kum 2019 chhunga a khelh danah a lung a awi tih sawiin, Olympics khel tura an tlin bawk avangin a chawimawina dawn chu a team tan a hlan tih a sawi.
Remsiami hian chawimawina a dawn theihna chhan chu Pathian vang a ni tih a sawi a, a mah vote tute chungah lawmthu sawiin, a inkhelh \anna, Thenzawl-a amah lo kaihruai tawhtu an coach te an hming lamin lawmthu a hrilh bawk a ni.
(Audio Remsiami)
Hockey India chuan thu chhuah siam nghalin Remsiami an lawmpui thu leh an chhuan thu hi an website ah larsar takin, amah Remsiami thlalak nen an pholang nghal a, Remsiami hian kum 2018 a\angin khawvel hmelhriat a hlawh \an a, FIH Women’s Hockey Series Finals Hiroshima 2019 ah khan a hming a chher zui a, Tokyo Olympics khel thei tura India luhpuitu a ni. Hockey India President Mohd Mushtaque Ahmad chuan Remsiami a lawmpui thu sawiin, a hmalam hun atan duhsakna a hlan tih a sawi.
FIH award hi International Hockey Federation-in kum tina chawimawina a pek chhuah \hin a ni a, khawvel pum huapa hockey khel thiam, hmeichhia leh mipa player tha bera ngaih te hnenah pek \hin a ni.
