State Tax Commissioner, Pu Kailiana Ralte-in sumdawngte hnena GST Return thehlut tura an ngenna, Mizoram Merchant Association-in an hrethiam lo chu thil an hriat fuh loh vang a ni, a ti a. Sumdawngte hian bungrua engmah hralh lo mah se, GST Return hi Central atanga sum hmuh nan thehluh ngei ngei a tul tih a sawi.

(Audio : State Tax Commssioner, Pu Kailiana Interview)

Vawiina Zonet-in a kawmnaah Pu Kailiana Ralte hian, GST Return thehlut tura tihna hi sumdawngte ngaihpawimawh lohna lam ni lovin, Return an File loh vanga harsatna thleng thei laka invenna tur lo ngaihtuah lawkna a ni zawk a ni, a ti a. Hemi piah lamah hian sumdawngte chuan Ruturn an thehluh hi State inenkawlna tura an mawhphuhna pakhat a ni tih an hriatthiam a ngai tih a sawi.