‘Swachhta Hi Sewa’ bawhzui dan tur chu Larsap leh sorkar mi pawimawhten sawi ho

0
314
views

Sorkar laipui ruahman anga tun thla ni 15 a\anga October ni 2 thlenga ram puma faina beihpui thlakna tur, ‘Swachhta Hi Sewa’ bawhzui dan tur chu nimin tlai khan Larsap, Lt. Gen. Nirbhay Sharma hovin sorkar mi pawimawhten an sawi hova. Faina kawnga state sorkar hnathawh tawhte thlir hovin, Mizorama District 8 zinga 5 chu pawn lama inthiar awm lohna, Open Defecation Free-a puan a nih tawh thu tarlan a ni. Tunah hian UD&PA Department bul tumin Mizorama khawpui thlan chhuah 23-ah khawpui fai intihsiakna buaipui mek a ni a, Champhai District-a Biate khua chu Asia khawmualpuia khaw fai ber ni tura ruahman mek a nih thu tarlan a nih bakah faina atana \an lakna te, chak zawka bawhzui dan tur leh Mizoram chu ram chhunga state fai ber a nih theih nan \an lak a nih thu tarlan a ni bawk. He \hutkhawmnaah hian CM, Pu Lal Thanhawla, UD&PA Minister, Pu Zodintluanga, Chief Secretary, Pu Lalmalsawma, Planning Secretary, Dr. C. Vanlalramsanga leh sorkar mi pawimawh dangte a tel a ni.