Synod bultumin vawiin khan Aizawl khawpui chhung hmun 3- Mission Veng, Dawrpui leh Bawngkawn Kohhran Hall-ah Kohhran Inpumkhatna atana hmalak dan zir hona neih a ni

0
388
views

Synod bultumin vawiin khan Aizawl khawpui chhung hmun 3- Mission Veng, Dawrpui leh Bawngkawn Kohhran Hall-ah Kohhran Inpumkhatna atana hmalak dan zir hona neih a ni a. Mission veng Kohhran Hall-a zir hona chu Synod Secretary (Senior), Upa R. Dengzikpuia’n hmanpuiin, Finance Officer, Rev. H. Remthanga’n he inzirtirna puala paper buatsaih a chhiar a. Dawrpui Kohhran Hall-ah chuan Synod Secretary (Junior), Rev. R. Vanlalnghaka leh Statistician, Rev. R. Lalnuntluanga’n an hmanpui a, hemi puala paper buatsaih chu Rev. Dr. H. Vanlalauva’n a chhiar a. Bawngkawn Kohhran Hall-a zir hona chu Executive Secretary, Rev. PC. Pachhunga, Rev. Dr. H. Lalrinthanga leh Rev. B. Sangthanga’n an hmanpui a ni. Mizorama Kohhrante inpumkhat nana leh thawh ho a nih theih nana hma l^k a \ul thu hi Aizawl Bethel Presbytery leh Aizawl East Presbytery-in Synod-ah an thlen a. Synod chuan hei hi bawhzui \ha a tih angin Synod Executive Committee bawhzui atan a dah a, a \ul anga hmala turin Officers’ Meeting kutah hlan leh niin, Officers’ Meeting chuan Kohhran mipuite zir ho turin a bu-a buatsaih \ha a ti a, chumi ziak tur chuan Rev. Dr. H. Vanlalauva ruat niin, hemi siamrem tur hian Rev. H. Remthanga, Rev. Dr. H. Vanlalauva, Rev. Lalrinawma, Rev. C. Lalsangliana, Rev. H. Lalrinthanga ruat an ni a, an nin nung taka an thli ho hnuah vawiina an zir ho tak Kohhran Inpumkhatna Inzirtirna tih lehkhabu hi siam a ni.