Tlungvel Branch MHIP pawhin MHIP dinchampha vawi 44 na chu Gate veng YMA Hall-ah an lawm

0
532
views

Tlungvel Branch MHIP pawhin MHIP dinchampha vawi 44 na chu Gate veng YMA Hall-ah an lawm a, a hmanpuitu Bialtu MLA Pu Lalrinawma chuan, MHIP member tam zawk chu chhungkaw nu ber an nih avangin chhungkaw enkawl kawngah an mawhphurhna a sang hle tih a sawi a, fa an enkawl danah pawh inen let fo turin a chah a, Muslim ram \henkhat hmeichhia te school kal an phal loh avangin an hmeichhia ten zirna leh hmasawnna kawngah an hnufum phah hle niin a sawi a, Mizo hmeichhia te erawhchu zalen taka zirna an kalpui theih avangin zirna kawngah nasa zawka hma sawn thei tura \an la turin a chah. Pu Lalrinawma chuan, Mizo te hnam dangin an chimral loh nan tam a pawimawh tih sawiin fa neih tamah tan lak thar leh a pawimawh tih a sawi. Inkhawm hi an pawl President Pi C Lalhlimpuii’n a kaihruai a, MHIP thuthlung an sawi rual bakah MHIP Gen. Hqrs. President thuchah chhiar chhuah a ni a, VC leh YMA aiawh ten thu an sawi bakah chawhnu lamah intihhlimna an hmanga tlaiah ruai an theh bawk.